21 лютага, у Міжнародны дзень роднай мовы, Магілёўская гарадская арганізацыя ГА “Таварыства беларускай мовы імя Францішка Скарыны” і клуб “Натхненне” правялі ІІІ Агульнанацыянальную беларускую дыктоўку, удзел у якой прынялі больш за 50 магілёўцаў.

Сёння сябар Магілёўскага ТБМ Пятро Шульгат адзначае 50-годдзе!

Магілёў — адзін з найстаражытнейшых беларускіх гарадоў, аднак беларускасці ў ім ані знаку: большасць шыльдаў напісаныя на расійскай мове, тое ж самае можна сказаць пра абвесткі і рэкламу. Нават усходнія сябры, прыязджаючы ў госці, шчыра здіўляюцца: маўляў, чаму няма помнікаў вашым нацыянальным дзеячам, чаму нельга ўбачыць і пачуць праяваў беларускай самабытнай культуры? Вядома ж, гэтыя праблемы ўзніклі ня сёння, аднак вырашаць іх неяк трэба. Калі, канешне, мы і надалей хочам заставацца беларусамі... Аб магчымых шляхах вяртання Магілёва ў арбіту беларускасці чытайце ў актуальным інтэрв’ю з Яўгенам Андрэенкам.

На творчую вечарыну Юрыя Несцярэнкі ў "белую залю" Палаца культуры вобласці прыйшлі каля васьмідзесяці чалавек. Глядзіце наш фотарэпартаж.

На мінулых занятках у якасці хатняга задання было прапанавана прыняць удзел у грамадскім абмеркаванні назоваў сквераў і паркаў горада Магілёва. Тапанамічнай камісіяй гарвыканкама складзены спіс з 25 аб’ектаў. Усе жадаючыя могуць пазнаёміцца з ім на сайце гарвыканкама citi.mogilev.by. Спрычыненне да гэтай справы паказала, наколькі адказнымі і абгрунтаванымі павінны быць прапановы, і справа аказалася нашмат складаней, чым падалося спачатку. Ва ўсякім разе, у Вас ёсць магчымасць зрабіць нешта карыснае свайму гораду. Далучайцеся.

Таварыства беларускай мовы з вялікай радасцю віншуе Вас з цудоўным святам Вясны і Прыгажосці!

У магілёўскім “Тэхнапарку” з удзелам прыкладна пяцідзесяці чалавек прайшлі першыя грамадзкія слуханьні “Праблемы захаваньня гістарычнай спадчыны Магілёва”.

Мы шмат чаго ведаем пра гісторыю і помнікі архітэктуры Магілёва, але вельмі мала пра фарміраванне гарадскога асяроддзя ў нашы дні і перспектывы яго развіцця. Нас чакае размова з прадстаўнікамі адной з самых складаных і элітных прафесій – дойлідамі горада.

У суботу, 6 сакавіка, актывісты Магілёўскага ТБМ запрашаюць усіх прыхільнкаў беларушчыны наведаць батлейку. Пачатак прадстаўлення а 17-й.

28 лютага ў Палацы культуры вобласці адбылася прэзентацыя здвоенага (адзінаццатага і дванаццатага) нумароў часопіса «ARCHE», прысвечаных абмеркаванню зместа манаграфіі магілёўскага гісторыка Ігара Марзалюка «Міфы адраджэнскай гістарыяграфіі Беларусі». На мерапрыемстве прысутнічалі рэдактар часопіса В. Булгакаў, аўтар і рэцэнзенты кнігі (Васіль Аўраменка, Аляксей Бацюкоў, Віталь Еўмянькоў).