29 чэрвеня ў Магілёве адбылася прэзэнтацыя кнігі Сяргея Балахонава "Імя грушы". Пісьменьнік пазнаёміў гледачоў з рознымі пластамі сваёй творчасьці. Гучалі яго ўласныя вершы і паэтычныя пераклады, урыўкі з рамана "Імя грушы" і апавяданьня "Second security". Выконваліся беларускія вэрсіі песьняў гурту Rammstein і іншыя песьні.

Разам з Аўгенам Касьцюшкам сп. Балахонаў прэзэнтаваў "Гутарку двух гангстэраў" – дыялёг Вінцэнта і Джулза паводле скрыпта да фільма Квэнціна Таранціна "Pulp Fiction". Бард Андрэй Мельнікаў парадаваў гледачоў сваімі знакамітымі творамі ("Вядзьмарка", "Песьня зь мінуўшчыны" ды інш).

Адбылася жывая дыскусія, якая закранала размаітыя пытаньні сучаснага беларускага культурнага працэсу. Аўтар найбольш цікавага пытаньня атрымаў падарунак – толькі што выдадзены дыск "Начная чытанка" (праект Радыё Свабода).

balachonau.puls.by
















Фота Анка Упала


Гл. таксама:

Грушавы бальзам для Машэкі