Увечары 23 сакавіка ў Магілёве пройдзе прэзэнтацыя фільму паводле кнігі Сяргея Ярша і Сяргея Горбіка “Беларускі супраціў” і адкрыцьцё выставы “Гістарычныя асобы Беларусі".

"Беларускі пасьляваенны антысавецкі супраціў 1944 – 1957 гадоў". Гэта першы фільм студыі "Partyzanfilm" з цыклю "Беларускі рэзыстанс".

Фільм зьняты паводле кнігі Сяргея Ярша і Сяргея Горбіка «Беларускі супраціў». У фільме спалучаныя мастацкія здымкі з дакумэнтальнай кронікай. Аўтары фільма зрабілі спробу кінарэканструкцыі падзеяў 40-50-ых гадоў мінулага стагодзьдзя на тэрыторыі заходняй Беларусі, у прыватнасьці, на Беласточчыне.

Паводле аднаго зь ініцыятараў стварэньня стужкі Антона Цялежнікава, карціна адкрывае малавядомыя факты беларускай гісторыі, якія дзяржаўная прапаганда спрабуе старанна схаваць ад шырокага абмеркаваньня. "Тым ня менш, падзеі, якія адбываліся ў 1944-1957 гадох, зьяўляюцца неад'емнай, хаця і трагічнай часткай гісторыі Беларусі"[/i], - гаворыць А.Цялежнікаў.

Выстава "Гістарычныя асобы Беларусі"

На выставе будзе прадстаўлена графіка Зьмітра Шапавалава і літаграфіі Валянціна і Ляілья Варэцаў. Працы мастакоў прысьвечаны вядомым гістарычным асобам Беларусі, такім як Ефрасіньня Полацкая, Барбара Радзівіл, Тадэвуш Касьцюшка, Мікола Гусоўскі і інш.

Пачатак на “Коле” ў 18 гадзін.

Паказ і выставу арганізуе культурніцкая камісія Партыі БНФ сумесна з Моладзьдзю БНФ.