Biełaruskija blohiery zaklikajuć štohod, 21 - 27 studzienia, śviatkavać Dzień Łacinki j, adpaviedna karystacca łacinkaj u hety peryjad jak maha bolej.

Łacina albo Biełaruski łacinski ałfavit - heta ahulnaja nazva niekalkich histaryčna isnavałych system zapisu biełaruskaha kiryličnaha tekstu ŭ łacinskaj systemie piśma. Jana ŭžyvajecca, čas ad času, u siońniašniaj formie niekatorymi aŭtarami, zacikaŭlenymi hrupami j prapahandystami ŭ tydnioviku «Naša Niva», časopisie «Arche», častkaju presy biełaruskaj dyjaspary, u Siecivie.

U svoj čas łacinkaj karystalisia Jan Čačot, Paŭluk Bahrym, Vincent Dunin-Marcinkievič, Francišak Bahuševič, Adam Hurynovič, Kastuś Kalinoŭski, Janka Kupała, Ciotka.

Biełaruskaja słužba dałučajecca da Tydnia łacinki j drukuje častku svaich tekstavych materyjałaŭ biełaruskim łacinskim ałfavitam.

Pavodle www.radyjo.net