У сераду 18 лютага у 18-00 зноўку запрашае на заняткi гурток беларускай мовы. Вынікам папярэдней сустрэчы, дзе мы вучылiся карыстацца роднай мовай ў паўсядзенным побыце, сталі дзве цікавыя замалёўкі, складзеныя удзельнікамі гуртка.

Эсэ – успаміны пра свайго дзядулю напісала Маша, а Аляксей склаў гумарыстычна-містычную казку “Жах”. Здаецца, нас чакае шмат адкрыццяў…

Спадарыня выкладчыца ласкава пацешыла нас кранальнай паэзіяй, чым канчаткова замацавала i без таго выдатны настрой.
Вечар скончыўся каштаваннем традыцыйнай беларускай стравы – аўсянага кісяля.

Тэма беларускага нацыянальнага адзення, абутку , ежы, напояў, абсталявання кватэры будзе працягнута і на наступных занятках.