Прыходзьце 5 сакавіка ў 18.30 у цэнтр "Кола сяброў" (завулак Чкалава 16) атрымаць новы мультымэдыйны дыск з галасамі беларускіх літаратараў і паслухаць іх жыўцом! "Начная чытанка"-2 у Магілёве.

Летась у эфіры Радыё Свабода скончылася другая частка праекту "Начная чытанка" – цягам 2007-2008 гадоў на радыёхвалях прагучалі яшчэ 50 аўтараў і перакладчыкаў. Як і ў першай частцы "Начной чытанкі", гучала паэзія і проза, ўласныя творы і пераклады ад літаратараў розных пакаленьняў. Сярод іх напрыклад Славамір Адамовіч. Уладзімер Арлоў, Наталка Бабіна, Генадзь Бураўкін, Пятро Васючэнка, Галіна Дубянецкая, Павал Касьцюкевіч, Алег Мінкін, Людміла Рублеўская, Тацяна Сапач, Васіль Сёмуха, Сяргей Законьнікаў.

Цяпер творы гэтай паўсотні літаратараў разам зь іх біяграфіямі і фатаздымкамі выходзяць на мультымэдыйным дыску. Прэзэнтацыя дыску з удзелам аўтараў адбудзецца ў Менску ў фальварку "Добрыя мысьлі", а ў Магілёве 5 сакавіка ў 18.30 у цэнтры "Кола сяброў" (завулак Чкалава 16). Уваход вольны. Колькасьць месцаў абмежаваная, але кожны наведнік атрымае бясплатны дыск. Таксама будуць разыгрывацца прызы.

Паводле Радыё Свабода


Гл. таксама:

Падзея на сайце Vkontakte