11 сакавіка 2009 г. адбудзецца паездка ў Мінск у Тэатр беларускай драматургіі на спектакль “Дзённік паэта” (С. Кавалёў, пастаноўка Віталя Баркоўскага).

Ласкай Божай, Божым натхненнем мы з'яўляемся ў сусвеце, каб кахаць. Дзе тыя крыніцы, дзе тыя прошчы, на месцы якіх зараз стаяць шматпавярховыя гмахі? Дзе тая сцяжынка, па якой Адам з Евай пайшлі з раю? Яна зарасла назаўсёды, і ўсё жыццё каханыя шукаюць шлях назад, ды толькі не могуць знайсці. Усе пошукі страчанага раю застаюцца толькі ў жаданнях, у сэрцы, у душы чалавека, асабліва калі гэта тычыцца паэта. І ў гэтым сэнс супрацьстаяння з часам, асяроддзем, зменлівай прыродай чалавека. Многае згублена, але яшчэ ёсць надзея, бо след боскага пацалунку пакуль што застаецца на вуснах чалавека…