2009 год выдаўся для нас насычаным і разнастайным. На яго працягу клуб “Чароўны ўспамін” зладзіў шэраг творчых сустрэч, валанцёрскіх акцый, веласіпедных і аўтобусных падарожжаў. Сярод іх чатыры дальнія вандроўкі ў Маскву, Чэхію, Кіеў і Малдову. Прапануем Вам паглядзець фотасправаздачу аб некаторых мерапрыемствах клуба ў 2009 годзе.
Багдан Агееў26. 02. 2009 г. Клуб арганізаваў сустрэчу з беларускім гісторыкам Алесем Белым. 
05. 04. 2009 г. Сябры клуба ў Панізове зладзілі “Гуканне вясны”. Хлопцы, здаецца , усю душу ўклалі ў выраб зімы і дарабілі ёй та-акія грудзі, што дзеўкі засмуціліся!
Выдатнай была атмасфера свята: крыху традыцыйная, пацешная, дынамічная і прышпільная адначасова.
Зіму, нягледзячы на ўсю яе сэксапільнасць, мы ўсё роўна спалілі.
18. 04. 2009 г. Міжнародны дзень аховы помнікаў і мясцінаў.
Па нашай ініцыятыве ТБМ правёў валанцёрскую акцыю на Успенскіх могілках. Удзельнікі акцыі прыбралі частку могілак і месцы пахавання прадстаўнікоў некалі вядомага ў Магілёве дваранскага роду Гартынскіх.
30. 04. – 3.05. 2009 г. Паездка ў Маскву была арганізавана для вывучэння дзейнасці ўраджэнца Мсціслава, вядомага мастацтвазнаўцы ХІХ ст. Прахава. Ён стаў першым доктарам навук з Магілёўшыны, быў блізкі з Васняцовымі, перасоўнікамі...
Пачалі з Траццякоўскай галерэі. У ёй даволі многа работ ураджэнцаў Беларусі. Знайшлі мы і пейзаж Бялыніцкага-Бірулі.
У старажытным маёнтку Абрамцава жыў род расійскіх дваран Аксакавых. Тут нараджалася расійская культура. Сюды прыязджаў Прахаў і Васняцовы.
02. 05. 2009 г. Троіца-Сергіеўскую лаўру мы абмінуць не маглі.
Паглядзелі іконы Рублёва.
Экскурсія па доме-музеі Віктара Васняцова.
6-14. 06. 2009 г. Чэшскае падарожжа.
07. 06. 2009 г. У Брно праходзіць свята транспарту.
У Брно ўбачылі шмат старых аўтобусаў, трамваяў, веласіпедаў, рэканструкцый.
08. 06. 2009 г. Першае, што кінулася ў вочы ў Браціславе, - гэта вялізны замак. Велічная квадратная грамадзіна ўзвышаецца па-над горадам.
Браціслава нечакана ўразіла прыемным гарадскім каларытам, цікавымі скульптурамі.
Скульптуры ў Браціславе на кожным кроку. Напалеон, аказваецца, можа быць простым і даступным. Вось такіх скульптур і не хапае ў Магілёве.
09. 06. 2009 г. Пернштэйн – самы выбітны мараўскі замак з тых, што захаваліся.
10. 06. 2009 г. У Вене мы доўга шукалі царкву Кацярыны – копію Магілёўскага Іосіфаўскага сабору. Але, як і іншыя магілёўцы, не знайшлі. Затое ўразіла велічная готыка сабору св. Стэфана. Светлы пасля рэканструкцыі гатычны будынак прымушае задумацца, а ці такое змрочнае і цёмнае было Сярэднявечча?
11. 06. 2009 г. Уражанні ад Чэшскай Будзеёвіцы аказаліся крыху сапсаваныя дажджом.
Затое Чэшскі Крумлаў – горад ЮНЭСКА – сапраўдная казка.
Чэшскі Крумлаў – горад ЮНЭСКА – сапраўдная казка.
