Адбылася сустрэча бацькоў, што жадалі б аддаць сваіх дзяцей у класы з беларускай мовай навучання з начальнікам упраўлення адукацыі Магілёўскага гарвыканкама С. Казловым. Прыйшло пяцёра бацькоў, размова была доўгая, крыху на павышаных танах, але вынік атрымаўся ў прынцыпе станоўчы.

Такім чынам, вынік:

Ствараецца творчая група з удзелам бацькоў і спецыялістаў аддзела адукацыі. Першае рабочае пасяджэнне групы - наступны чацвер. У планах групы - работа з бацькамі будучых першакласнікаў, інфармаванне.

Аддзел адукацыі правядзе маніторынг сярод бацькоў, якія плануюць аддаць сваё дзіця ў гімназію №3, наконт іх жадання, каб дзеці вучыліся па-беларуску.

Гімназія №3 - базавая установа, дзе плануецца ствараць беларускі клас. Усім зацікаўленым бацькам варта пісаць заявы на ўладкаванне дзіця на імя яе дырэктара.

Паводле жж-суполкі "Жывы Магілёў"


Гл. таксама:

У дзіцячым садку зьявілася беларускамоўная група