Пра фестываль еўрапейскага кіно, што пройдзе ў Магілёве 24-30 траўня не чуў хіба што глухі. Не збіраецца ісці на паказ хіба што лянівы – тым больш што фільмы будуць круціць адразу ў трох кінатэатрах: “Радзіме”, “Ветразі” і “Космасе”. Можна выбіраць кінатэатар, што пабліжэй, а можна – фільм пацікавей.

Між іншым, усе фільмы дэманструюцца на мове арыгіналу з субтытрамі. Такое таксама не часта ўбачыш на прасторах нашай сінявокай радзімы.

Заўтра першы дзень фестываля – адкрыццё. І першыя тры фільмы. Уважліва чытаем анатацыі:


24 траўня, панядзелак---------------------------------------------------------------

14.00, “Ветразь”

«Рака жыцця» (Беларусь, 2009 год; 52 хв.). Режысёр: Ігар Бышнеў.
Дакументальнае кіно

Беларусь - рачная краіна, месца водападзелу паўночных і паўднёвых рэк. У іх захоўваецца памяць пра былыя часы. Рэкі – жылы Зямлі, яе вены і сасуды, яе рухомае жыццё.

У фільме «Рака жыцця» Бышнеў дакументальна занатоўвае жывое жыццё прыроды ў яе натуральным стане. Здымкі рэпартажныя, прырода паказаная не на паляванні, не ў заапарку, не ў зносінах з чалавекам, а сама па сабе - як самакаштоўная жывая істота. Рэжысёр распавядае пра тое, як жыве сёння (менавіта сёння) свет запаветнай прыроды ў Бярэзінским запаведніку, на Палессі, у Паазер'і.

Гэта рэпартаж аб прыродзе. Мабыць, мы яшчэ не бачылі ў кіно, як натуральна жыве насельніцтва нашых водных і зямных прастораў, прадстаўленае самому сабе, у моманты ціхай гармоніі. Галоўнае пачуццё, інтанацыя фільма - Радасць Жыцця.

18:00, “Радзіма”

«Букет» (Чехия, 2000 год; 81 мин.). Режысёр: Францішак Брабец.
Драма / Меладрама / Дэтэктыў

Фільм складаецца з 7 самых вядомых балад Карэла Яраміра Эрбена, напісаных па матывах чэскага фальклёру.
Яскравы і каларытны фільм. Усе 7 баладаў апавядаюць пра каханне і жарсць, якія змешваюцца з гогалеўскім містыцызмам.
Гісторыі паказаныя ў парадку следавання пораў году, прычым кожная з іх змяшчае апісанне традыцыйных народных абрадаў.




Дора з вогненнымі валасамі


Жонка вадзяніка і маленькі сын


Не хадзі, дачушка на раку хустачкі мыць


Нявеста, што паклікала жаніха з таго свету


Плакат


18:00, “Космас”

«Дай мне ўвайсці» (англ. Let the Right One In, швед. Låt den rätte komma in) (Швецыя, 2008 год; 115 хв.). Режысёр: Томас Альфрэдсан.
Драма / Трылер / Жахі

Дванаццацігадовы Оскар церпіць здзекі аднакласнікаў і марыць пра помсту. Дзяўчынка Элі, што нядаўна пераехала і пасялілася па суседстве вучыць Оскара смеласці, а Оскар распальвае ў ёй прагу кахання. Але Элі – незвычайная дзяўчынка. Яна не выходзіць з дому, баіцца сонечнага святла. Яна – маленькая вампірша.

Гэта драма, трылер, жахі – і ў той жа час чуллівая дзіцячая “казка” з кранальнымі вобразамі з дзяцінства.
Між іншым, адным з аўтараў музыкі да фільма стаў Пер Гесле, гітарыст “Roxette”.




Оскар і Элі


Плакат


Элі


Заўтра будуць анатацыі да паслязаўтрашніх фільмаў. Цікавых праглядаў і сачыце за намі.


У астатнія дні глядзіце:



25 траўня, аўторак

20:00, «Радзіма» - “Аер” (Польшча, 2009 год; 85 хв.). Режысёр: Анджэй Вайда.

20:00, “Ветразь” – “Шэрлак Холмс” (Вялікабрытанія, 2009 год; 128 хв.). Режысёр:: Гай Рычы.

20:00, “Космас” – “Перад вяртаннем на зямлю” (Літва, 2005 год; 52 хв.).


26 траўня, серада

14:00, “Ветразь” – “Рака жыцця” (Беларусь, 2009 год; 52 хв.). Режысёр: Ігар Бышнеў.

18:00, «Ветразь» - «Сонечная алея» (Германія, 1999 год; 101 хв.). Режысёр:: Леандэр Хаусман.

18:00, «Космас» - «Полымя і Цытрон » (Данія, 2008 год; 130 хв.). Режысёр: Оле Крысціян Мэдсэн.

20:00, “Радзіма” - «Партніхі» (Баўгарыя, 2007 год; 96 хв.).


27 траўня

18:00, «Ветразь» - «Абаронцы Рыгі » (Латвия, 2007 год; 117 хв.). Режысёр: Айгарс Граўба.

18:00, «Космас» - «Слезы красавіка» (Фінляндыя, 2008 год; 110 хв.). Режысёр: Аку Лоухіміес.


28 мая

18:00, «Космос» - «Ваенные рамяство » (Італія, 2001 год; 100 хв.).

20:00, «Ветразь» - «Лінія фронту » (Ірландыя, 2006 год; 95 хв.). Режысёр: Дэвід Глісан.


29 мая

10:30, «Радзіма» - «Камарыная гісторыя » (Данія, 2007 год; 75 хв.). Режысёры: Янік Хаструп, Флемінг Квіст Мюлер. Мультфільм.

18:00, «Космас» - «Георг» (Эстонія, 2007 год; 102 хв.). Режысёр: Пеэтэр Сім.

20:00, «Ветразь» - «Ідыёт» (Францыя, 2009 год; 61 хв.). Режысёр: П’ер Леон.


30 мая

20:00, «Ветразь» - «Ікота» (Венгрыя, 2002 год; 78 хв.). Режысёр: Георгі Палфі.