Праграма пятага дня Фестываля Еўрапейскага кіно:


28 траўня, пятніца

18:00, “Космас”
“Ваеннае рамяство” (Італія, 2001 год; 100 хв.). Режысёр: Эрмано Олмі.
Драма / гістарычны

Адна з самых вытанчаных гістарычных карцін апошняга часу, прысвечана бліскучаму і трагічнаму лёсу рыцара Джавані дэ Медычы, капітана папскай арміі, які выступіў у XVI стагоддзі супраць германскіх заваёўнікаў - ландскнехтаў Карла V.
Улюбёнец жанчын, жывая легенда свайго часу, 28-гадовы Медычы спазнаў радасць перамог, жах здрады і загінуў ад новапрыдуманай агнястрэльнай зброі.

Фільм быў паказаны ў конкурснай праграме Канскага кінафестывалю 2001 года.








20:00, “Ветразь”

“Лінія фронту” (Ірландыя, 2006 год; 95 хв.). Режысёр: Дэвід Глісан.
Драма / гістарычны

Сціплы бежанец з Конга Джо Юмба вымушаны супраць сваёй волі ўдзельнічаць у рабаванні банка пад камандаваннем бязлітаснага гангстэра Эдзі Гілроя. Джо змагаецца за сваё жыццё і жыццё тых, хто знаходзіцца побач з ім. Адчайна спрабуючы ўцячы ад лютых злачынцаў, бязлітасных дэтэктываў і шалёных стрэлаў, ён не спыніцца ні перад чым, каб выратаваць дзіця і захаваць сваё сапраўднае аблічча.




Заўтра ўвечары – трэйлеры і анатацыі да суботніх фільмаў з праграмы Фестываля. Сачыце, чакайце, глядзіце.

У астатнія фестывальныя дні:

29 мая
10:30, “Радзіма“ – “Камарыная гісторыя” (Данія, 2007 год; 75 хв.). Режысёры: Янік Хаструп, Флемінг Квіст Мюлер. Мультфільм.
18:00, “Космас“ – “Георг” (Эстонія, 2007 год; 102 хв.). Режысёр: Пеэтэр Сім.
20:00, “Ветразь” – “Ідыёт” (Францыя, 2009 год; 61 хв.). Режысёр: П’ер Леон.

30 мая
20:00, “Ветразь” – “Ікота” (Венгрыя, 2002 год; 78 хв.). Режысёр: Георгі Палфі.