У пятніцу 13 ліпеня адбылася сустрэча старшыні Магілёўскай гарадзкой суполкі Таварыства беларускай мовы Алега Дзьячкова з начальнікам райана Аляксандрам Гапеевым. Падчас размовы былі абмеркаваныя пэрспэктывы адкрыцьця ў адным з магілёўскіх садкоў беларускамоўнай групы.

Магілёўская суполка Таварыства беларускай мовы імя Ф.Скарыны прапануе ў другой палове ліпеня вандроўку ў Ляўкі, выставу кветак, археалягічныя раскопкі на Магілёўшчыне.

У суботу 14 ліпеня а 17-ай гадзіне ў будынку Палацу культуры “Хімвалакно” адбудзецца адкрыцьцё выставы кветак “Лілея – кветка чысьціні”. Вольны ўваход. Арганізатары выставы лілеяў і флёксаў – Клюб фітадызайну “Хімвалакно” і Магілёўская гарадзкая суполка Таварыства беларускай мовы імя Францішка Скарыны.

У Магілёве бацькі выступілі з ініцыятывай стварэння ў дзіцячым садку беларускамоўнай групы. Неабходнай умовай для гэтага з’яўляецца наяўнасць не менш чым 10 заяў ад бацькоў з просьбай уключыць іх дзяцей у склад гэтай групы. Група прызначана для наведвання дзяцей ва ўзросце ад двух да чатырох гадоў.

У аўторак старшыня Магілёўскай суполкі ТБМ сустрэўся з прадстаўніцай гарадзкога ўпраўленьня адукацыі Тацьцянай Мяхотай. Падчас размовы былі абмеркаваныя пэрспэктывы адкрыцьця беларускамоўнай клясы ў Магілёве.

У панядзелак адбылася сустрэча кіраўніка Магілёўскай суполкі Таварыства беларускай мовы Алега Дзьячкова з намесьніцай старшыні абласной управы адукацыі Сьвятланай Лявонавай. Адна з тэмаў размовы – адкрыцьцё беларускамоўных клясаў у Магілёве.

Прадстаўнікі грамадзкасьці адзначылі сёньня ў Вязынцы 125-я ўгодкі з дня нараджэньня клясыка беларускай літаратуры Янкі Купалы. З Магілёва на сьвяткаваньні прыехалі некалькі дзясяткаў чалавек, дзесяцёра – ад ТБМ.

Пярэдадні 125-ых угодкаў з дня нараджэньня Янкі Купалы сябры Магілёўскай суполкі Таварыства беларускай мовы арганізавалі вандроўку ў Менск, падчас якой наведалі спэктакль “Тутэйшыя” ў Нацыянальным акадэмічным тэатры імя Я.Купалы, а таксама сустрэліся зь пісьменьнікам Нілам Гілевічам.

Сёньня ў Магілёве ад абласнога драмтэатру да чыгуначнага вакзалу курсаваў тралейбус імя Янкі Купалы. Гэтак суполка Таварыства беларускай мовы адзначыла 125-годзьдзе Янкі Купалы.

У пятніцу 6 ліпеня па маршруце пл. Арджанікідзе – Чыгуначны вакзал у Магілёве будзе курсіраваць сьвяточны тралейбус. Сябры Таварыства беларускай мовы імя Ф.Скарыны павіншуюць пасажыраў з 125-мі ўгодкамі з дня нараджэньня клясыка беларускай літаратуры Янкі Купалы.