У нядзелю 30 верасьня адбудзецца вандроўка ў Дашкаўку. Ад’езд – раніцай з чыгуначнага вакзалу ў 8.08 цягніком "Магілёў-Жлобін" (2-гі вагон ад галавы цягніка). Даехаць да Дашкаўкі таксама можна на маршрутцы.

У Магілёве адзначылі 80-годзьдзе выхаду асобным выданьнем паэмы Янкі Купалы “Магіла Льва”. Літаратурная вечарына з нагоды юбілею адбылася ў Магілёўскай абласной бібліятэцы. Да юбілею літаратурны фонд Беларусі перадаў бібліятэцы асобнік рарытэтнай цяпер кніжкі з паэмай. Арганізаваць вечарыну дапамагла гарадзкая суполка Таварыства беларускай мовы.

У чацьвер 27 верасьня адбылася сустрэча прадстаўнікоў Магілёўскага абласнога ўпраўленьня адукацыі з бацькамі, якія жадаюць аддаць сваіх дзяцей у групу зь беларускай мовай выхаваньня. У сустрэчы бралі ўдзел старшыня гарадзкой суполкі ТБМ Алег Дзьячкоў, Аляксей Бацюкоў ды Зьміцер Салаўёў.

У чацьвер 27 верасьня а 16.00 у Магілёўскай абласной бібліятэцы адбудзецца тэматычная вечарына “Легенда й паэма”. Імпрэза прысьвечана 80-годзьдзю выхаду асобным выданьнем паэмы Янкі Купалы “Магіла Льва”.

Сёньня пры ўдзеле Таварыства беларускай мовы імя Ф.Скарыны адбылася экскурсію па Мсьціславе й ваколіцах для горацкіх школьнікаў і іх бацькоў.

У Магілёве адбылася прэзэнтацыя новай кнігі Ўладзімера Арлова “Імёны Свабоды”. Удзел у імпрэзе ўзялі каля пяцідзесяці чалавек.

Праблемы малых рэкаў і ручаёў Магілёва былі абмеркаваныя падчас сустрэчы з наведнікамі гарадзкой бібліятэкі №2. Антон Шкаруба, навуковы супрацоўнік Цэнтральнага навукова-дасьледчага інстытуту комплекснага выкарыстаньня водных рэсурсаў, прачытаў лекцыю па тэме “Малыя вадацёкі Магілёва: Дубравенка, Струшня, Дзебра”.

У суботу 22 верасьня а 16.00 у Магілёве адбудзецца прэзэнтацыя новай кнігі “Імёны Свабоды”. У імпрэзе возьмуць удзел аўтар кнігі – пісьменьнік Уладзімер Арлоў, журналіст Аляксандар Лукашук, мастак Генадзь Мацур. Уваход вольны.

Цягам трох дзён у Магілёве ў Палацы культуры й тэхнікі “Магілёўхімвалакно” ладзілася выстава вяргіняў “Забытая кветка”. Арганізавалі выставу гарадзкая суполка Таварыства беларускай мовы й Клюб фітадызайну.

Другога верасьня сябры Таварыства беларускай мовы імя Ф.Скарыны наведалі Шклоў, дзе ладзіўся чатырнаццаты па ліку Дзень беларускага пісьменства. Наш фотарэпартаж.