У гэты чацьвер 10 красавіка, а 16-ай гадзіне пачнецца чарговая акцыя, прысьвечаная гадавіне трагедыі на Дубравенцы 1942-га года. Як і ў мінулыя разы, збор удзельнікаў пачнецца каля галоўнага ўваходу "машынкі". Адтуль магілёўцы пойдуць на бераг Дубравенкі (да маленькага фантанчыка), дзе адбудзецца ўскладаньне кветак.

У нядзелю 13 красавіка а 14:00 у Магілёве адбудзецца сустрэча зь першым кіраўніком незалежнай Беларусі Станіславам Шушкевічам. Сустрэча, якую арганізуе Таварыства беларускай мовы, будзе прысьвечана 100-годзьдзю з дня нараджэньня паэта Станіслава Шушкевіча.

Рэкляма адзінай у Магілёве беларускамоўнай групы зьявілася на старонках газэты Магілёўскага гарвыканкаму “Веснік Магілёва”. Нататку пра групу “Дзецям у падарунак матчына мова” журналісты дзяржаўнага выданьня разьмясьцілі на апошняй шаснаццатай старонцы ў рубрыцы “Под занавес”. Побач зь рэклямнай нататкай прыватныя абвесткі, крыжаванкі, показкі ды гараскоп.

У пятніцу 11 красавіка а 17:30 у Магілёве адбудзецца сустрэча зь пісьменьнікам Уладзімерам Арловым. Тэма размовы – “Воля й вера”.

Карыстальнікі Магілёўскага форуму зноў абмяркоўваюць лёс беларускай мовы. Чарговая тэма, якая была створана напрыканцы лютага сёлета, мае назоў “Ці ёсьць жаданьне паразмаўляць па-беларуску?”

Блогер ljoksa распачаў у інтэрнэце кампанію, мэта якой – беларусізацыя галасавой інфармацыйнай сыстэмы МТС. “Калі кіраўніцтва кампаніі пойдзе на гэты цалкам натуральны крок, то больш за тры мільёны белаурсаў змогуць штодня чуць у сваіх слухаўках родную мову”.

У Магілёве адбылася вечарына, прысьвечаная 90-ым угодкам абвяшчэньня незалежнасьці Беларускай Народнай Рэспублікі. Удзел у імпрэзе, якую арганізавала Магілёўская суполка Таварыства беларускай мовы, узялі блізу пяцідзесяці чалавек.

Менш за тры месяцы застаецца да заплянаванага завяршэньня адбудовы Ратушы ў Магілёве. Зараз будаўнікі тынкуюць сьцены, узводзяць дах, рыхтуюць шпіль і купал. Глядзіце фотарэпартаж.

Традыцыйнае гуканьне вясны сёлета адбудзецца ў нядзелю 30 сакавіка пад Магілёвам. ТБМ запрашае ўсіх ахвочых.

У суботу 29 сакавіка а 17:00 у Магілёве адбудзецца сьвяточная вечарына, прысьвечаная 90-годзьдзю абвяшчэньня незалежнасьці Беларускай Народнай Рэспублікі. Усіх наведнікаў імпрэзы чакаюць неспадзяванкі. Вечарыну арганізуе гарадзкая суполка Таварыства беларускай мовы. Уваход вольны.