У 2007 годзе выдавецтва «Беларусь» адмовілася ад друку календара з эканамічных прычынаў. Тады галоўны рэдактар выдавецтва Якаў Аляксейчык паведаміў, што «Родны край» кепска прадаецца. У 2006 г. было надрукавана меней як у мінулыя гады — 7000 асобнікаў, зь якіх не прадалі 1500.

23 верасня ў Магілёўскім тэатры драмы адбылося ўрачыстае адкрыццё гастроляў Нацыянальнага акадэмічнага драматычнага тэатру імя Якуба Коласа з Віцебску. Шаснаццаць год таму апошні раз сустракаўся магілёўскі глядач з гэтым праслаўленым калектывам. Поўная зала сведчыла, што цікавасць да гэтай драматычнай трупы — адной з лепшых у краіне! — надзвычайная...

25 верасьня, у чацьвер, у Магілёве адбудзецца сустрэча з бардам Алесем Камоцкім. Сустрэча пачнецца а 18-ай гадзіне.

Вось ужо 80 год урачыста падымае заслону адзін з вядучых тэатраў рэспублікі - Нацыянальны акадэмічны драматычны тэатр імя Якуба Коласа. Адкрыўся ён у Віцебску 21 лістапада 1926 г. Пры нараджэнні тэатр атрымаў назву Другі Беларускі дзяржаўны тэатр - БДТ-2. 21 снежня 1944 г. яму было прысвоена імя Я. Коласа.

24 верасьня а 21.00 у Магілёве адбудзецца творчая сустрэча з акторамі Нацыянальнага акадэмічнага драматычнага тэатру імя Якуба Коласа. Некалькімі гадзінамі раней віцебскія госьці на сцэне магілёўскага тэатру пакажуць спэктакль “Бацька”.

Магілёўская гарадская арганізацыя Таварыства беларускай мовы імя Францішка Скарыны 21 верасня правяла культурна-спартыўнае мерапрыемства “Краіна здароўя”, прымеркаванае да года здароўя, аб’яўленага сёлета ў Беларусі. Падчас вандроўкі па Краіне здароўя госці свята змаглі не толькі прыняць актыўны ўдзел у конкурсах і забавах, але і бліжэй пазнаёміцца з культурай паўночнаамерыканскіх індзейцаў і сярэднявечных рыцараў.

Сёньня Магілёўская суполка Таварыства беларускай мовы зладзіла ў сквэры ля Тэхнапарку спартовае сьвята “Краіна здароўя”. Фотарэпартаж Анкі Упалы.

“Нэйрадзюбель” мусіў выступіць з прэзэнтацыяй новага альбому “Stasi” у клюбе “Ліга” 20 верасьня. Адпаведныя афішы зьявіліся ў Магілёве яшчэ напрыканцы жніўня. Аднак за два дні да канцэрту стала вядома, што выступу ўладальнікаў “Рок-кароны 2007” ня будзе.

Сёньня ў Магілёве пачаўся адзінаццаты фэстываль анімацыйных фільмаў “Анімаёўка-2008”. На ім пакажуць два мультфільмы па-беларуску: “Як Несьцерка гаршкі прадаваў” і “Аповесьць мінулых гадоў”. Летась на фэстывалі беларускамоўных фільмаў не было ўвогуле. Гледачоў на фэстываль запрашаюць, як і раней, па-расейску. Усяго цягам двух фэстывальных дзён гледачы пабачаць 100 мультфільмаў вытворчасьці трынаццаці краінаў сьвету.

Сёньня ў Магілёве адкрылася традыцыйная восеньская выстава “Сьвята кветак”. Наведнікам прадстаўлены шматлікія гатункі вяргінь і хрызантэм. Выставу арганізавалі клюб “Натхненьне” й Магілёўская суполка Таварыства беларускай мовы.